Mantra 53
अ॒पां त्वेम॑न्त्सादयाम्य॒पां त्वोद्म॑न्त्सादयाम्य॒पां त्वा॒ भस्म॑न्त्सादयाम्य॒पां त्वा॒ ज्योति॑षि सादयाम्य॒पां त्वाऽय॑ने सादयाम्यर्ण॒वे त्वा॒ सद॑ने सादयामि समु॒द्रे त्वा॒ सद॑ने सादयामि सरि॒रे त्वा॒ सद॑ने सादयाम्य॒पां त्वा॒ क्षये॑ सादयाम्य॒पां त्वा॒ सधि॑षि सादयाम्य॒पां त्वा॒ सद॑ने सादयाम्य॒पां त्वा॑ स॒धस्थे॑ सादयाम्य॒पां त्वा॒ योनौ॑ सादयाम्य॒पां त्वा॒ पुरी॑षे सादयाम्य॒पां त्वा॒ पाथ॑सि सादयामि गाय॒त्रेण॑ त्वा॒ छन्द॑सा सादयामि॒ त्रै॑ष्टुभेन त्वा॒ छन्द॑सा सादयामि॒ जाग॑तेन त्वा॒ छन्द॑सा सादया॒म्यानु॑ष्टुभेन त्वा॒ छन्द॑सा सादयामि॒ पाङ्क्ते॑न त्वा॒ छन्द॑सा सादयामि
apā́ṃ tvemánt sādayāmy apā́ṃ tvodmánt sādayāmy apā́ṃ tvā bhásmant sādayāmy apā́ṃ tvā jyótiṣi sādayāmy apā́ṃ tvā́yane sādayāmy arṇavé tvā sádane sādayāmi samudré tvā sádane sādayāmi sariré tvā sádane sādayāmy apā́ṃ tvā kṣáye sādayāmy apā́ṃ tvā sádhiṣi sādayāmy apā́ṃ tvā sádane sādayāmy apā́ṃ tvā sadhásthe sādayāmy apā́ṃ tvā yónau sādayāmy apā́ṃ tvā púriṣe sādayāmy apā́ṃ tvā pā́thasi sādayāmi gāyatréṇa tvā chándasā sādayāmi trā́iṣṭubhena tvā chándasā sādayāmi jā́gatena tvā chándasā sādayāmy ánuṣṭubhena tvā chándasā sādayāmi pā́ṅktena tvā chándasā sādayāmi
In the waters’ this (seat) do I cause thee to settle; in the waters’ swelling do I cause thee to settle; in the waters’ ash do I cause thee to settle; in the waters’ light do I cause thee to settle; in the waters’ course do I cause thee to settle. In the flood do I cause thee to settle in a seat; in the sea do I cause thee to settle in a seat; in the stream do I cause thee to settle in a seat. In the waters’ dwelling do I cause thee to settle; in the waters’ support do I cause thee to settle; in the waters’ seat do I cause thee to settle; in the waters’ firm station do I cause thee to settle; in the waters’ womb do I cause thee to settle; in the waters’ moist packing do I cause thee to settle; in the waters’ path do I cause thee to settle. With the Gāyatrī metre do I cause thee to settle; with the Triṣṭubh metre do I cause thee to settle; with the Jagatī metre do I cause thee to settle; with the Anuṣṭubh metre do I cause thee to settle; with the Paṅkti metre do I cause thee to settle.
अ॒पाम् । त्वा॒ । इ॒म॒न्त् । सा॒द॒या॒मि॒ । अ॒पाम् । त्वा॒ । उ॒द्म॒न्त् । सा॒द॒या॒मि॒ । अ॒पाम् । त्वा॒ । भस्म॑न्त् । सा॒द॒या॒मि॒ । अ॒पाम् । त्वा॒ । ज्योति॑षि । सा॒द॒या॒मि॒ । अ॒पाम् । त्वा॒ । अय॑ने । सा॒द॒या॒मि॒ । अ॒र्ण॒वे । त्वा॒ । सद॑ने । सा॒द॒या॒मि॒ । स॒मु॒द्रे । त्वा॒ । सद॑ने । सा॒द॒या॒मि॒ । स॒रि॒रे । त्वा॒ । सद॑ने । सा॒द॒या॒मि॒ । अ॒पाम् । त्वा॒ । क्षये॑ । सा॒द॒या॒मि॒ । अ॒पाम् । त्वा॒ । सधि॑षि । सा॒द॒या॒मि॒ । अ॒पाम् । त्वा॒ । सद॑ने । सा॒द॒या॒मि॒ । अ॒पाम् । त्वा॒ । सधस्थे॑ । सा॒द॒या॒मि॒ । अ॒पाम् । त्वा॒ । योनौ॑ । सा॒द॒या॒मि॒ । अ॒पाम् । त्वा॒ । पुरी॑षे । सा॒द॒या॒मि॒ । अ॒पाम् । त्वा॒ । पाथ॑सि । सा॒द॒या॒मि॒ । गा॒य॒त्रेण॑ । त्वा॒ । छन्द॑सा । सा॒द॒या॒मि॒ । त्रै॑ष्टुभेन । त्वा॒ । छन्द॑सा । सा॒द॒या॒मि॒ । जाग॑तेन । त्वा॒ । छन्द॑सा । सा॒द॒या॒मि॒ । अनु॑ष्टुभेन । त्वा॒ । छन्द॑सा । सा॒द॒या॒मि॒ । पाङ्क्ते॑न । त्वा॒ । छन्द॑सा । सा॒द॒या॒मि॒