Mantra 6
गा॒य॒त्रं छन्दो॑ऽसि॒ त्रै॑ष्टुभं॒ छन्दो॑ऽसि॒ द्यावा॑पृथि॒वीभ्यां॑ त्वा॒ परि॑ गृह्णाम्य॒न्तरि॑क्षे॒णोप॑ यच्छामि । इन्द्रा॑श्विना॒ मधु॑नः सार॒घस्य॑ घ॒र्मं पा॑त॒ वस॑वो॒ यज॑त॒ वाट् । स्वाहा॒ सूर्य॑स्य र॒श्मये॑ वृष्टि॒वन॑ये ।
gāyatráṃ chándo ’si tráiṣṭubhaṃ chándo ’si dyā́vā-pṛthivī́bhyāṃ tvā pári gṛhṇāmy antárikṣeṇópa yacchāmi | indrāśvinā mádhunaḥ sāraghásya gharmáṃ pāta vásavo yájata vāṭ | svāhā́ sū́ryasya raśmáye vṛṣṭivánaye |
गायत्रं छन्दोऽसि, त्रैष्टुभं छन्दोऽसि। द्यावापृथिवीभ्यां त्वा परिगृह्णामि; अन्तरिक्षेणोप यच्छामि। इन्द्राश्विना मधुनः सारघस्य घर्मं पात; वसवो यजत—वाट्। स्वाहा सूर्यस्य रश्मये वृष्टिवनये।
गा॒य॒त्रम् । छन्दः॑ । अ॒सि॒ । त्रै॑ष्टुभम् । छन्दः॑ । अ॒सि॒ । द्यावा॑पृथि॒वीभ्याम् । त्वा॒ । परि॑ । गृह्णामि । अ॒न्तरि॑क्षेण । उप॑ । यच्छामि । इन्द्रा॑श्विना । मधु॑नः । सार॒घस्य॑ । घ॒र्मम् । पा॑त । वस॑वः । यज॑त । वाट् । स्वाहा । सूर्य॑स्य । र॒श्मये॑ । वृष्टि॒वन॑ये ।