Mantra 38
अग्ने॒ पव॑स्व॒ स्वपा॑ अ॒स्मे वर्च॑ः सु॒वीर्य॑म् । दध॑द्र॒यिं मयि॒ पोष॑म् । उ॒प॒या॒मगृ॑हीतोऽस्य॒ग्नये॑ त्वा॒ वर्च॑स ए॒ष ते॒ योनि॑र॒ग्नये॑ त्वा॒ वर्च॑से । अग्ने॑ वर्चस्वि॒न्वर्च॑स्वाँ॒स्त्वं दे॒वेष्वसि॒ वर्च॑स्वान॒हं म॑नु॒ष्ये॑षु भूयासम्
agné pavásva svápā asmé várcaḥ suvī́ryam | dádhad rayím máyí póṣam | upayā́magṛhīto ’sy agnáye tvā várcasa eṣá te yóniḥ agnáye tvā várcase | agne várcasvin várcasvā́ṁs tvaṁ devéṣv asi várcasvān aháṁ manuṣyéṣu bhūyāsam
O Agni, purify thyself, thou of goodly workmanship; place within us lustre and noble vigour, bestowing wealth and thriving upon me. Taken with the Upayāma art thou for Agni, for lustre: this is thy womb; for Agni, for lustre. O Agni, lustrous and full of lustre art thou among the gods; may I be lustrous among men.
अग्ने । पवस्व । सु-अपाः । अस्मे इति । वर्चः । सु-वीर्यम् । दधत् । रयिम् । मयि । पोषम् । उप-याम-गृहीतः । असि । अग्नये । त्वा । वर्चसे । एषः । ते । योनिः । अग्नये । त्वा । वर्चसे । अग्ने । वर्चस्विन् । वर्चस्वान् । त्वम् । देवेषु । असि । वर्चस्वान् । अहम् । मनुष्येषु । भूयासम्