Mantra 36
ये दे॒वा अ॒ग्निने॑त्राः पुर॒ः सद॒स्तेभ्य॒ः स्वाहा॒ । ये दे॒वा य॒मने॑त्रा दक्षि॒णासद॒स्तेभ्य॒ः स्वाहा॒ । ये दे॒वा वि॒श्वदे॑वनेत्राः पश्चा॒त्सद॒स्तेभ्य॒ः स्वाहा॒ । ये दे॒वा मि॒त्रावरु॑णनेत्रा वा म॒रुन्ने॑त्रा वोत्तरा॒सद॒स्तेभ्य॒ः स्वाहा॒ । ये दे॒वाः सोम॑नेत्रा उपरि॒सदो॒ दुव॑स्वन्त॒स्तेभ्य॒ः स्वाहा॑
yé devā́ agní-netrāḥ puráḥ-sádaḥ tébhyaḥ svā́hā | yé devā́ yamá-netrā dakṣiṇā-sádaḥ tébhyaḥ svā́hā | yé devā́ viśvádeva-netrāḥ paścā́t-sádaḥ tébhyaḥ svā́hā | yé devā́ mitrā́varuṇa-netrā vā marún-netrā vottárā-sádaḥ tébhyaḥ svā́hā | yé devā́ḥ sóma-netrā uparí-sádo dúvasvantas tébhyaḥ svā́hā
To whatsoever Gods are led by Agni, the sitters in front—to them Svāhā! To whatsoever Gods are led by Yama, the sitters on the right—to them Svāhā! To whatsoever Gods are led by the All-gods, the sitters behind—to them Svāhā! To whatsoever Gods are led by Mitra and Varuṇa, or led by the Maruts, the sitters on the left—to them Svāhā! To whatsoever Gods are led by Soma, the upper sitters, the bountiful—to them Svāhā!
ये । देवाः । अग्नि-नेत्राः । पुरः-सदः । तेभ्यः । स्वाहा । ये । देवाः । यम-नेत्राः । दक्षिणा-सदः । तेभ्यः । स्वाहा । ये । देवाः । विश्वदेव-नेत्राः । पश्चात्-सदः । तेभ्यः । स्वाहा । ये । देवाः । मित्रा-वरुण-नेत्राः । वा । मरुत्-नेत्राः । वा । उत्तरा-सदः । तेभ्यः । स्वाहा । ये । देवाः । सोम-नेत्राः । उपरि-सदः । दुवस्वन्तः । तेभ्यः । स्वाहा ।