Mantra 9
मू॒र्धा वय॑: प्र॒जाप॑ति॒श्छन्द॑: क्ष॒त्रं वयो॒ मय॑न्दं॒ छन्दो॑ विष्ट॒म्भो वयोऽधि॑पति॒श्छन्दो॑ वि॒श्वक॑र्मा॒ वय॑: परमे॒ष्ठी छन्दो॑ ब॒स्तो वयो॑ विव॒लं छन्दो॒ वृष्णि॒र्वयो॑ विशा॒लं छन्द॒: पुरु॑षो॒ वय॑स्त॒न्द्रं छन्दो॑ व्या॒घ्रो वयोऽना॑धृष्टं॒ छन्द॑: सि॒ᳪहो वय॑श्छ॒दिश्छन्द॑: पष्ठ॒वाड्वयो॑ बृह॒ती छन्द॑ उ॒क्षा वय॑: क॒कुप् छन्द॑ ऋष॒भो वय॑: स॒तोबृ॑हती॒ छन्द॑:
mū́rdhā váyaḥ prajā́patiś chándaḥ | kṣatráṃ váyo máyandaṃ chándo viṣṭámbho váyo 'dhipátiś chándo viśvákarmā váyaḥ parameṣṭhī́ chándo | básto váyo vivaláṃ chándo vṛ́ṣṇir váyo viśāláṃ chándaḥ | púruṣo váyas tándraṃ chándo vyā́ghro váyo 'nādhṛṣṭaṃ chándaḥ | síṃho váyaś chadíś chándaḥ | paṣṭhavā́ḍ váyo bṛhatī́ chándaḥ | ukṣā́ váyaḥ kakúp chándaḥ | ṛṣabhó váyaḥ satóbṛhatī́ chándaḥ
La tête est vigueur (vayas) : Prajāpati est le mètre (chandas). La puissance royale (kṣatra) est vigueur : Mayanda est le mètre. Le soutien est vigueur : l’Adhipati, le Souverain, est le mètre. Viśvakarman est vigueur : Parameṣṭhin est le mètre. Le bouc est vigueur : Vivalam est le mètre. Le taureau est vigueur : le « Vaste » (Viśāla) est le mètre. L’homme est vigueur : Tandra (« torpeur ») est le mètre. Le tigre est vigueur : Anādhṛṣṭa (« l’Inattaquable ») est le mètre. Le lion est vigueur : Chadis (« le Voile/Abri ») est le mètre. La bête de somme est vigueur : Bṛhatī est le mètre. L’ukṣā est vigueur : Kakup est le mètre. Le ṛṣabha est vigueur : Satobṛhatī est le mètre.
मू॒र्धा । वयः॑ । प्र॒जाप॑तिः । छन्दः॑ । क्ष॒त्रम् । वयः॑ । मय॑न्दम् । छन्दः॑ । वि॒ष्ट॒म्भः । वयः॑ । अधि॑पतिः । छन्दः॑ । वि॒श्वक॑र्मा । वयः॑ । परमे॒ष्ठी । छन्दः॑ । ब॒स्तः । वयः॑ । वि॒व॒लम् । छन्दः॑ । वृष्णिः॑ । वयः॑ । वि॒शा॒लम् । छन्दः॑ । पुरु॑षः । वयः॑ । त॒न्द्रम् । छन्दः॑ । व्या॒घ्रः । वयः॑ । अना॑धृष्टम् । छन्दः॑ । सि॒ᳪहः । वयः॑ । छ॒दिः । छन्दः॑ । पष्ठ॒वाट् । वयः॑ । बृह॒ती । छन्दः॑ । उ॒क्षाः । वयः॑ । क॒कुप् । छन्दः॑ । ऋष॒भः । वयः॑ । स॒तोबृ॑हती । छन्दः॑