Verse 25
Yogatattva
लययोगश्चित्तलयः कोटिशः परिकीर्तितः । गच्छंस्तिष्ठन्स्वपन्भुञ्जन्ध्यायेन्निष्कलमीश्वरम् ॥
स एव लययोगः स्याद्धठयोगमतः शृणु । यमश्च नियमश्चैव आसनं प्राणसंयमः ॥
प्रत्याहारो धारणा च ध्यानं भ्रूमध्यमे हरिम् । समाधिः समतावस्था साष्टाङ्गो योग उच्यते ॥
लय-योगः चित्त-लयः कोटि-शः परि-कीर्तितः । गच्छन् तिष्ठन् स्वपन् भुञ्जन् ध्यायेत् निष्कलम् ईश्वरम् ॥
सः एव लय-योगः स्यात् हठ-योगम् अतः शृणु । यमः च नियमः च एव आसनम् प्राण-संयमः ॥
प्रत्याहारः धारणा च ध्यानम् भ्रू-मध्यमे हरिम् । समाधिः समता-अवस्था स-अष्टाङ्गः योगः उच्यते ॥
layayogaś cittalayaḥ koṭiśaḥ parikīrtitaḥ | gacchaṁs tiṣṭhan svapan bhuñjan dhyāyen niṣkalam īśvaram ||
sa eva layayogaḥ syād haṭhayogam ataḥ śṛṇu | yamaś ca niyamaś caiva āsanaṁ prāṇasaṁyamaḥ ||
pratyāhāro dhāraṇā ca dhyānaṁ bhrūmadhyame harim | samādhiḥ samatāvasthā sāṣṭāṅgo yoga ucyate ||
El laya-yoga, la disolución de la mente, es proclamado de incontables maneras. Ya sea caminando, de pie, durmiendo o comiendo, medítese en el Señor sin partes, sin atributos. Eso es en verdad laya-yoga. Por tanto, escucha el haṭha-yoga: yama y niyama, postura, dominio del aliento; pratyāhāra, dhāraṇā y dhyāna en Hari en el centro de las cejas; samādhi, el estado de ecuanimidad—esto se llama el yoga de ocho miembros.
Laya-yoga, the dissolution of the mind, is proclaimed in countless ways. Whether walking, standing, sleeping, or eating, one should meditate on the partless (attribute-less) Lord. That indeed is laya-yoga. Therefore listen to haṭha-yoga: yama and niyama, posture, restraint of the breath; withdrawal (of the senses), concentration, and meditation on Hari in the middle of the eyebrows; samādhi, the state of equanimity—this is called the yoga of eight limbs.