Mantra 23
नमो॑ विसृ॒जद्भ्यो॒ विध्य॑द्भ्यश्च वो॒ नमो॒ नम॑: स्व॒पद्भ्यो॒ जाग्र॑द्भ्यश्च वो॒ नमो॒ नम॒: शया॑नेभ्य॒ आसी॑नेभ्यश्च वो॒ नमो॒ नम॒स्तिष्ठ॑द्भ्यो॒ धाव॑द्भ्यश्च वो॒ नम॑:
námo visṛjádbhyo vídhyadbhyaś ca vo námo námaḥ svapádbhyo jā́gradbhyaś ca vo námo námaḥ śayānébhya āsī́nebhyaś ca vo námo námas tíṣṭhadbhyo dhā́vadbhyaś ca vo námaḥ
Ehrerbietung euch, die ihr (den Pfeil) entsendet, und euch, die ihr durchbohrt: euch Ehrerbietung, Ehrerbietung! Ehrerbietung, Ehrerbietung euch, die ihr schlaft, und euch, die ihr wacht! Ehrerbietung, Ehrerbietung euch, die ihr liegt, und euch, die ihr sitzt! Ehrerbietung, Ehrerbietung euch, die ihr steht, und euch, die ihr lauft!
नमः । विसृजद्भ्यः । विध्यद्भ्यः । च । वः । नमः । नमः । स्वपद्भ्यः । जाग्रद्भ्यः । च । वः । नमः । नमः । शयानेभ्यः । आसीनेभ्यः । च । वः । नमः । नमः । तिष्ठद्भ्यः । धावद्भ्यः । च । वः । नमः ।