Adhyaya 37

Verse 1

पुलस्त्य उवाच । तदद्भुततमं वाक्यं श्रुत्वा च रघुनंदनः । गौरवाद्विस्मयाच्चापि भूयः प्रष्टुं प्रचक्रमे

普拉斯提亚说道：罗伽难陀那听闻那最为奇妙的言辞，因敬仰与惊叹，便再次开始追问更多。

Verse 2

राम उवाच । भगवंस्तद्वनं घोरं यत्रासौ तप्तवांस्तपः । श्वेतो वैदर्भको राजा तदद्भुतमभूत्कथं

罗摩说道：“噢，圣者！关于那可怖的森林——毗陀婆国的白王（Śveta）在那里修苦行——那奇事究竟如何发生？”

Verse 3

विषमं तद्वनं राजा शून्यं मृगविवर्जितं । प्रविष्टस्तप आस्थातुं कथं वद महामुने

那片森林崎岖难行，噢，大王——荒寂无依，连鹿群也不见。他如何进入其中并在那里修行苦行？请告知我，伟大的牟尼。

Verse 4

समंताद्योजनशतं निर्मनुष्यमभूत्कथं । भवान्कथं प्रविष्टस्तद्येन कार्येण तद्वद

这片地域四方延展百由旬，缘何竟成无人之境？而你又如何进入其中？请明言：你为着何事来到此处？

Verse 5

अगस्त्य उवाच । पुरा कृतयुगे राजा मनुर्दंडधरः प्रभुः । तस्य पुत्रोथ नाम्नासीदिक्ष्वाकुरमितद्युतिः

阿伽斯提亚说道：在久远的往昔，于圆满劫（Kṛta Yuga），有王名摩奴，执持法杖之主宰。其子名闻遐迩，为伊叉婆拘（Ikṣvāku），光辉无量。

Verse 6

तं पुत्रं पूर्वजं राज्ये निक्षिप्य भुविसंमतम् । पृथिव्यां राजवंशानां भव राजेत्युवाच ह

他将那位长子——为众民所认可者——安置于王座之上，便说道：“汝当为大地之王，统御诸王族之系。”

Verse 7

तथेति च प्रतिज्ञातं पितुः पुत्रेण राघव । ततःपरमसंहृष्टः पुनस्तं प्रत्यभाषत

“愿如是。”儿子向父亲立誓，噢罗伽婆。随后他欢喜至极，又再开口答复于他。

Verse 8

प्रीतोस्मि परमोदार कर्मणा ते न संशयः । दंडेन च प्रजा रक्ष न च दंडमकारणम्

我甚为欢喜，噢至为慷慨者；对汝行持毫无疑虑。以公正之刑护持众民，然切莫无故施罚。

Verse 9

अपराधिषु यो दंडः पात्यते मानवैरिह । स दंडो विधिवन्मुक्तः स्वर्गं नयति पार्थिवम्

世人于此对罪犯所施之刑——若依正法而施、亦依正法而赦——此等刑罚能引国王升至天界。

Verse 10

तस्माद्दण्डे महाबाहो यत्नवान्भव पुत्रक । धर्मस्ते परमो लोके कृत एवं भविष्यति

是故，噢大臂勇者，我儿，当勤谨于依正法施刑。如此安立，汝之达摩将于世间至为尊上——诚然必如是。

Verse 11

इति तं बहुसंदिश्य मनुः पुत्रं समाधिना । जगाम त्रिदिवं हृष्टो ब्रह्मलोकमनुत्तमम्

就这样，摩奴以安定的三昧反复教诲其子，心怀欢喜，遂前往诸天，进入无上梵天之界——梵天界（Brahmaloka）。

Verse 12

जनयिष्ये कथं पुत्रानिति चिंतापरोऽभवत् । कर्मभिर्बहुभिस्तैस्तैस्ससुतैस्संयुतोऽभवत्

他思忖道：“我当如何生育诸子？”便沉入忧思的观照（chintā）。随后，他以种种多样的祭仪与善行而修作，终于得以具足诸子。

Verse 13

तोषयामास पुत्रैस्स पितॄन्देवसुतोपमैः । सर्वेषामुत्तमस्तेषां कनीयान्रघुनंदन

他以诸子——宛如天神之子——令祖先（pitṛ）欢悦满足。在他们之中，最年幼者，噢罗鸠族之喜（Raghunandana），却最为卓越。

Verse 14

शूरश्च कृतविद्यश्च गुरुश्च जनपूजया । नाम तस्याथ दंडेति पिता चक्रे स बुद्धिमान्

他英勇无畏，学艺圆满，又因众人敬仰而被奉为师长。于是其睿智的父亲为他取名曰“檀陀”（Daṇḍa）。

Verse 15

भविष्यद्दण्डपतनं शरीरे तस्य वीक्ष्य च । संपश्यमानस्तं दोषं घोरं पुत्रस्य राघव

噢罗伽婆（Rāghava），他见其身上显现将临之刑罚之兆，又察觉儿子那可怖的过失，心中深受震动。

Verse 16

स विंध्यनीलयोर्मध्ये राज्यमस्य ददौ प्रभुः । स दंडस्तत्र राजाभूद्रम्ये पर्वतमूर्द्धनि

主赐予他一国，位于温提耶与尼罗两山脉之间。其后，在那清丽可喜的山巅之上，檀荼成为国王。

Verse 17

पुरं चाप्रतिमं तेन निवेशाय तथा कृतम् । नाम तस्य पुरस्याथ मधुमत्तमिति स्वयम्

他又为居住而建起一座无与伦比的城邑；并亲自为此城命名为“摩度末多摩”（Madhumattama）。

Verse 18

तथादेशेन संपन्नः शूरो वासमथाकरोत् । एवं राजा स तद्राज्यं चकार सपुरोहितः

如是承受那道命令之力，勇士遂安立其居所。于是那位国王——与其祭司（purohita）同在——治理其国。

Verse 19

प्रहृष्ट सुप्रजाकीर्णं देवराजो यथा दिवि । ततः स दंडः काकुत्स्थ बहुवर्षगणायुतम्

其国欢欣，良民云集，犹如天界诸神之中帝释天（因陀罗）一般；如是，噢迦拘特斯陀啊，那统治延续了许多万年。

Verse 20

अकारयत्तु धर्मात्मा राज्यं निहतकंटकं । अथ काले तु कस्मिंश्चिद्राजा भार्गवमाश्रमम्

那位持法之王使其国政得以施行，令邦土无患无扰、如除荆棘。后来在某一时日，国王前往婆伽婆（Bhārgava）的道场（āśrama）。

Verse 21

रमणीयमुपाक्रामच्चैत्रमासे मनोरमे । तत्र भार्गवकन्यां तु रूपेणाप्रतिमां भुवि

在可喜的恰伊特罗月里，怡人的时节开启；其处有婆尔伽瓦族的少女现身，容色于世间无与伦比。

Verse 22

विचरंतीं वनोद्देशे दंडोऽपश्यदनुत्तमाम् । उत्तुंगपीवरीं श्यामां चंद्राभवदनां शुभाम्

当她在林间一隅徘徊时，檀陀看见那无上吉祥的女子：身形高挑，体态丰盈，肤色黝黑，面容皎洁如月。

Verse 23

सुनासां चारुसर्वांगीं पीनोन्नतपयोधराम् । मध्ये क्षामां च विस्तीर्णां दृष्ट्वा तां कुरुते मुदम्

见到她——鼻梁秀美，四肢端丽，双乳丰隆而挺，腰肢纤细而胯部宽展——他心中生起欢喜。

Verse 24

एकवस्त्रां वने चैकां प्रथमे यौवने स्थिताम् । स तां दृष्ट्वात्वधर्मेण अनंगशरपीडितः

他见她独在林中，仅着一衣，立于青春初绽之时；一见之下，便为爱神迦摩之箭所苦，受不法之心驱使而行非。

Verse 25

अभिगम्य सुविश्रांतां कन्यां वचनमब्रवीत् । कुतस्त्वमसि सुश्रोणि कस्य चासि सुशोभने

他走近那安然歇息的少女，说道：“你从何处而来，善腰之女？你是谁的女儿，容光可亲者？”

Verse 26

पीडतोहमनंगेन पृच्छामि त्वां सुशोभने । त्वया मेऽपहृतं चित्तं दर्शनादेव सुंदरि

我被阿难伽（爱神）所折磨，因此向你请问，光辉的佳人。美丽的女子啊，仅凭你一眼，我的心便被你夺走。

Verse 27

इदं ते वदनं रम्यं मुनीनां चित्तहारकम् । यद्यहं न लभे भोक्तुं मृतं मामवधारय

你的面容如此可爱，连圣贤的心也被夺去。若我不能得以亲近享受它，就当知我已如同死去。

Verse 28

त्वया हृता मम प्राणा मां जीवय सुलोचने । दासोस्मि ते वरारोहे भक्तं मां भज शोभने

你夺走了我生命的气息；明眸的佳人啊，请使我复生。我是你的仆从，端美腰胯的丽人——愿你垂念我这信奉者，赐我恩泽，秀美者。

Verse 29

तस्यैवं तु ब्रुवाणस्य मदोन्मत्तस्य कामिनः । भार्गवी प्रत्युवाचेदं वचः सविनयं नृपम्

他如此言说，因傲慢而如醉、为欲望所驱；于是婆伽毗以恭敬之辞回答国王。

Verse 30

भार्गवस्य सुतां विद्धि शुक्रस्याक्लिष्टकर्मणः । अरजां नाम राजेंद्र ज्येष्ठामाश्रमवासिनः

当知她是婆利古之女，是行事无碍的舒克罗之女。王中之王啊，她名为阿罗阇，是住于精舍者中年长的长女。

Verse 31

शुक्रः पिता मे राजेंद्र त्वं च शिष्यो महात्मनः । धर्मतो भगिनी चाहं भवामि नृपनंदन

大王，舒克罗（Śukra）是我的父亲，而你是那位大圣者的弟子；因此依于达摩之法，我乃你的妹妹，王子啊。

Verse 32

एवंविधं वचो वक्तुं न त्वमर्हसि पार्थिव । अन्येभ्योपि सुदुष्टेभ्यो रक्ष्या चाहं सदा त्वया

大王，你不应说出这等言语。即使面对其他极其凶恶之人，我也应当常常由你护持。

Verse 33

क्रोधनो मे पिता रौद्रो भस्मत्वं त्वां समानयेत् । अथवा राजधर्मेणासंबंधं कुरुषे बलात्

我父性烈易怒；一旦震怒，便能将你化为灰烬。否则，依王法与王者之达摩，你也将被强行断绝与我之关联。

Verse 34

पितरं याचयस्व त्वं धर्मदृष्टेन कर्मणा । वरयस्व नृपश्रेष्ठ पितरं मे महाद्युतिम्

你当以合乎达摩之行来祈求我父。至高之王啊，请以我那大光辉之父为你所求的恩赐。

Verse 35

अन्यथा विपुलं दुःखं तव घोरं भवेद्ध्रुवम् । क्रुद्धो हि मे पिता सर्वं त्रैलोक्यमभिनिर्दहेत्

否则，巨大而可怖的苦难必定临到你；因为我父若发怒，足以焚尽三界。

Verse 36

ततोऽशुभं महाघोरं श्रुत्वा दंडः सुदारुणम् । प्रत्युवाच मदोन्मत्तः शिरसाभिनतः पुनः

听到那不祥且极其可怕的惩罚后，那因傲慢而迷醉的人再次低头回答。

Verse 37

प्रसादं कुरु सुश्रोणि कामोन्मत्तस्य कामिनि । त्वया रुद्धा मम प्राणा विशीर्यंति शुभानने

美臀的爱人啊，请垂怜我这因欲望而疯狂的人。吉祥面容的女子啊，我的气息因你而窒息，几欲断绝。

Verse 38

त्वां प्राप्य वैरं मेऽत्रास्तु वधो वापि महत्तरः । भक्तं भजस्व मां भीरु त्वयि भक्तिर्हि मे परा

既已遇见你，愿我的仇怨在此终结，无论这会导致死亡还是更重大的后果。羞怯的人啊，请对我以此深情，因我对你的痴情至高无上。

Verse 39

एवमुक्त्वा तु तां कन्यां बलात्संगृह्य बाहुना । अन्येन राज्ञा हस्तेन विवस्त्रा सा तथा कृता

国王说完这话，便强行抓住那少女的手臂；另一只手扯去她的衣裳，使她失去遮蔽。

Verse 40

अंगमंगे समाश्लेष्य मुखे चैव मुखं कृतम् । विस्फुरंतीं यथाकामं मैथुनायोपचक्रमे

他四肢紧缠，嘴唇压在她的嘴唇上，随心所欲地开始交合，而她则颤抖不已。

Verse 41

तमनर्थं महाघोरं दंडः कृत्वा सुदारुणम् । नगरं स्वं जगामाशु मदोन्मत्त इव द्विपः

他对那恶徒施以极其严酷可怖的刑罚后，便迅速回到自己的城邑——如同发情狂奔、醉于傲慢的狂象一般。

Verse 42

भार्गवी रुदती दीना आश्रमस्याविदूरतः । प्रत्यपालयदुद्विग्ना पितरं देवसम्मितम्

婆伽维凄苦啼泣，停留在离精舍不远之处，忧惧不安地等待那位如神般受敬的父亲。

Verse 43

स मुहूर्तादुपस्पृश्य देवर्षिरमितद्युतिः । स्वमाश्रमं शिष्यवृतं क्षुधार्तः सन्यवर्तत

随后，那位光辉无量的天仙圣者，片刻行了阿遮摩那（净饮礼）后，饥饿所迫，偕诸弟子回到自己的精舍。

Verse 44

सोपश्यदरजां दीनां रजसा समभिप्लुताम् । चंद्रस्य घनसंयुक्तां ज्योत्स्नामिव पराजिताम्

他随即看见那本无尘垢者，如今凄然，被尘土所覆——恰似浓云遮月时的月光，仿佛被击败一般。

Verse 45

तस्य रोषः समभवत्क्षुधार्तस्य महात्मनः । निर्दहन्निव लोकांस्त्रींस्तान्शिष्यान्समुवाच ह

于是，那位大魂者因饥饿而受苦，怒火顿起；仿佛要焚尽三界，他对那些弟子开口说道。

Verse 46

पश्यध्वं विपरीतस्य दंडस्यादीर्घदर्शिनः । विपत्तिं घोरसंकाशां दीप्तामग्निशिखामिव

你们看吧：这场灾厄形相可怖，炽烈如火焰之舌，已临到这位远见之人；因为他加诸他人的惩罚，反转而归于自身。

Verse 47

यन्नाशं दुर्गतिं प्राप्तस्सानुगश्च न संशयः । यस्तु दीप्तहुताशस्य अर्चिः संस्पृष्टवानिह

他必定走向毁灭与恶趣，连同随从亦然；对此毫无疑问。然而，在此被炽燃之火的焰光所触者，并不遭此命运。

Verse 48

यस्मात्स कृतवान्पापमीदृशं घोरसंमितम् । तस्मात्प्राप्स्यति दुर्मेधाः पांसुवर्षमनुत्तमम्

由于他造作了如此罪业，其量度亦极其可怖，因此那愚昧之人将遭受无与伦比的尘雨——大难与耻辱。

Verse 49

कुराजा देशसंयुक्तः सभृत्यबलवाहनः । पापकर्मसमाचारो वधं प्राप्स्यति दुर्मतिः

那恶王——为其国土所环绕，连同侍从、军旅与乘骑——行于罪业之道，因其心智乖谬，终将遭遇死亡。

Verse 50

समंताद्योजनशतं विषयं चास्य दुर्मतेः । धुनोतु पांसुवर्षेण महता पाकशासनः

愿降伏恶魔者帕迦沙萨那（因陀罗），以强盛的尘雨，荡涤并毁坏那恶心之人的全境——四方各延百由旬。

Verse 51

सर्वसत्वानि यानीह जंगमस्थावराणि वै । सर्वेषां पांसुवर्षेण क्षयः क्षिप्रं भविष्यति

此处一切众生——无论行者或不动者——都将迅速走向败坏；因尘土如雨降下，众生皆将趋于毁灭。

Verse 52

दंडस्य विषयो यावत्तावत्सवनमाश्रमम् । पांसुवर्षमिवाकस्मात्सप्तरात्रं भविष्यति

惩罚的权域所及之处，彼处的精舍将如祭坛之围；忽然间，似尘雨倾落，此状将持续七夜。

Verse 53

इत्युक्त्वा क्रोधसंतप्तस्तमाश्रमनिवासिनम् । जनं जनपदस्यांते स्थीयतामित्युवाच ह

说罢，他怒火炽盛，对那精舍住者说道：“令众人停留在国土的边境。”

Verse 54

उक्तमात्रे उशनसा आश्रमावसथो जनः । क्षिप्रं तु विषयात्तस्मात्स्थानं चक्रे च बाह्यतः

乌沙那斯话音方落，那居于精舍之人便迅速迁出，在外处安身，远离那世俗之境。

Verse 55

तं तथोक्त्वा मुनिजनमरजामिदमब्रवीत् । आश्रमे त्वं सुदुर्मेधे वस चेह समाहिता

如此对那牟尼说罢，圣者之妻又言：“愚钝之人啊，安住此精舍，摄心宁定，谨慎专注。”

Verse 56

इदं योजनपर्यंतमाश्रमं रुचिरप्रभम् । अरजे विरजास्तिष्ठ कालमत्र समाश्शतम्

此处精舍延展一由旬，光辉柔和而悦目。噢毗罗阇啊，请在这清净无垢之地住满一百年。

Verse 57

श्रुत्वा नियोगं विप्रर्षेररजा भार्गवी तदा । तथेति पितरं प्राह भार्गवं भृशदुःखिता

听闻婆罗门圣者关于“尼瑜伽”之命令后，婆伽维女子阿罗阇悲痛万分，对其父婆伽婆说道：“就依此吧。”

Verse 58

इत्युक्त्वा भार्गवो वासं तस्मादन्यमुपाक्रमत् । सप्ताहे भस्मसाद्भूतं यथोक्तं ब्रह्मवादिना

说罢，婆伽婆离开那处居所，另择住处。不出一周，原处便化为灰烬，正如通晓梵理者所预言。

Verse 59

तस्माद्दंडस्य विषयो विंध्यशैलस्य मानुष । शप्तो ह्युशनसा राम तदाभूद्धर्षणे कृते

因此，噢人啊，温陀耶山成了惩罚之境。因为在那暴行发生之时，噢罗摩，他被乌沙那（首迦罗）所诅咒。

Verse 60

ततःप्रभृति काकुत्स्थ दंडकारण्यमुच्यते । एतत्ते सर्वमाख्यातं यन्मां पृच्छसि राघव

自那时起，噢迦拘兹陀的后裔，此地便称为檀陀迦森林。我已将你所问的一切尽皆告知，噢罗伽婆。

Verse 61

संध्यामुपासितुं वीर समयो ह्यतिवर्तते । एते महर्षयो राम पूर्णकुंभाः समंततः

勇士啊，修持三时礼敬（Sandhyā）的时辰确已将逝。罗摩啊，这些大圣仙遍布四周，手持盛满清水的净瓶。

Verse 62

कृतोदका नरव्याघ्र पूजयंति दिवाकरम् । सर्वैरॄषिभिरभ्यस्तैः स्तोत्रैर्ब्रह्मादिभिः कृतैः

献毕水供之后，噫，人中之虎，他们以一切圣仙所习诵、由梵天等诸原初者所作的赞颂，礼拜日神。

Verse 63

रविरस्तंगतो राम गत्वोदकमुपस्पृश । ॠषेर्वचनमादाय रामः संध्यामुपासितुम्

当太阳西沉之时，罗摩前往水边，行阿遮摩那（ācamana）净口礼。领受圣仙之言于心，罗摩遂开始礼敬暮昏之Sandhyā。

Verse 64

उपचक्राम तत्पुण्यं ससरोरघुनंदनः । अथ तस्मिन्वनोद्देशे रम्ये पादपशोभिते

随后，罗阇之喜者罗摩迈步前往那圣洁的湖泊；在那片林野之地，清丽可爱、树木成荫，他继续前行。

Verse 65

नदपुण्ये गिरिवरे कोकिलाशतमंडिते । नानापक्षिरवोद्याने नानामृगसमाकुले

在那被圣河净化的殊胜山岳上——百千鸠鸪（kokilā）点缀其间——有一处林苑，回响着众多鸟类的鸣声，又聚集着各色野兽成群。

Verse 66

सिंहव्याघ्रसमाकीर्णे नानाद्विजसमावृते । गृध्रोलूकौ प्रवसितौ बहून्वर्षगणानपि

在那处地方，狮虎成群，百鸟纷集；秃鹫与猫头鹰也在此居住，历经多年。

Verse 67

अथोलूकस्य भवनं गृध्रः पापविनिश्चयः । ममेदमिति कृत्वाऽसौ कलहं तेन चाकरोत्

随后，那秃鹫心意已定于罪恶，竟夺占猫头鹰的居所；自念“此乃我物”，便与之挑起争端。

Verse 68

राजा सर्वस्य लोकस्य रामो राजीवलोचनः । तं प्रपद्यावहै शीघ्रं कस्यैतद्भवनं भवेत्

罗摩，莲华眼的普世之王——让我们速速归依于他。这居所究竟当属何人？

Verse 69

गृध्रोलूकौ प्रपद्येतां जातकोपावमर्षिणौ । रामं प्रपद्यतौ शीघ्रं कलिव्याकुलचेतसौ

秃鹫与猫头鹰，怒与怨新起，便迅速归依罗摩；二者之心皆为迦梨之力所扰而不宁。

Verse 70

तौ परस्परविद्वेषौ स्पृशतश्चरणौ तथा । अथ दृष्ट्वा राघवेंद्रं गृध्रो वचनमब्रवीत्

二者虽互怀怨憎，却仍触礼其足。随后见到罗伽文陀罗（罗摩），秃鹫便开口说道：

Verse 71

सुराणामसुराणां च त्वं प्रधानो मतो मम । बृहस्पतेश्च शुक्राच्च त्वं विशिष्टो महामतिः

在诸天与阿修罗之中，我认你为最上；甚至超越布里哈斯帕提与舒克罗，你尤为卓绝，噢大慧者。

Verse 72

परावरज्ञो भूतानां मर्त्ये शक्र इवापरः । दुर्निरीक्षो यथा सूर्यो हिमवानिव गौरवे

他洞悉一切众生的上与下之实相；在凡人之中，他如另一位因陀罗。其光威难以直视如日，其尊严巍然如喜马拉雅。

Verse 73

सागरश्चासि गांभीर्ये लोकपालो यमो ह्यसि । क्षांत्या धरण्या तुल्योसि शीघ्रत्वे ह्यनिलोपमः

以深沉而言，你如大海；诚然，你即阎摩，护世之主。以忍耐而言，你与大地等同；以迅疾而言，你无与伦比，如风。

Verse 74

गुरुस्त्वं सर्वसंपन्नो विष्णुरूपोसि राघव । अमर्षी दुर्जयो जेता सर्वास्त्रविधिपारगः

你是导师，具足一切圆满；噢罗伽婆，你具现毗湿奴之形。坚毅不屈、不可战胜、常得胜利，你已通达一切兵器之正法与法度。

Verse 75

शृणु त्वं मम देवेश विज्ञाप्यं नरपुंगव । ममालयं पूर्वकृतं बाहुवीर्येण वै प्रभो

请听我所陈，噢诸天之主、众人之雄：往昔，噢主宰，我凭自身臂力建起了我的居所。

Verse 76

उलूको हरते राजंस्त्वत्समीपे विशेषतः । ईदृशोयं दुराचारस्त्वदाज्ञा लंघको नृप

大王啊，乌卢迦正在行窃，尤其竟在你面前。此等恶行，正是违越你命令之人，君王啊。

Verse 77

प्राणांतिकेन दंडेन राम शासितुमर्हसि । एवमुक्ते तु गृध्रेण उलूको वाक्यमब्रवीत्

“罗摩啊，你应以至死之刑惩治他。”秃鹫如此说罢，猫头鹰便以这些话回答。

Verse 78

शृणु देव मम ज्ञाप्यमेकचित्तो नराधिप । सोमाच्छक्राच्च सूर्याच्च धनदाच्च यमात्तथा

人中王啊，请一心谛听我所当启告：此乃从苏摩、从释迦罗（因陀罗）、从苏利耶、从财主天（俱毗罗）、以及同样从阎摩而得。

Verse 79

जायते वै नृपो राम किंचिद्भवति मानुषः । त्वं तु सर्वमयो देवो नारायणपरायणः

罗摩啊，君王虽生于世，终究在某种程度上只是凡人；而你却是遍含一切的神主，唯以那罗延为归依。

Verse 80

प्रोच्यते सोमता राजन्सम्यक्कार्ये विचारिते । सम्यग्रक्षसि तापेभ्यस्तमोघ्नो हि यतो भवान्

大王啊，若将此事如理审察，便称颂你的“苏摩之德”——如月清凉的慈惠；因为你善护众生免于诸苦，而你实为破暗之光。

Verse 81

दोषे दंडात्प्रजानां त्वं यतः पापभयापहः । दाता प्रहर्ता गोप्ता च तेनेंद्र इव नो भवान्

因为你惩治众人之过，从而除去由罪业生起的恐惧；你既施与、又惩戒、亦护佑，因此在我们看来，你如同因陀罗。

Verse 82

अधृष्यः सर्वभूतेषु तेजसा चानलो मतः । अभीक्ष्णं तपसे पापांस्तेन त्वं राम भास्करः

在一切众生中你不可侵犯；以你的光辉，人们视你为火本身。你以苦行之力不断焚尽罪人；因此，罗摩啊，你如同太阳——照耀者。

Verse 83

साक्षाद्वित्तेशतुल्यस्त्वमथवा धनदाधिकः । चित्तायत्ता तु पत्नीश्रीर्नित्यं ते राजसत्तम

你确与财富之主等同，甚至胜过俱毗罗。然而，你家室之福、如贤妻之吉祥，恒常系于你的心念之中，王中至善者啊。

Verse 84

धनदस्य तु कोशेन धनदस्तेन वैभवान् । समः सर्वेषु भूतेषु स्थावरेषु चरेषु च

凭借檀那陀（俱毗罗）的宝库，他具足财富与光华；且对一切众生——无论静止或行动——皆能平等安住。

Verse 85

शत्रौ मित्रे च ते दृष्टिः समंताद्याति राघव । धर्मेण शासनं नित्यं व्यवहारविधिक्रमैः

罗伽婆啊，你的目光四方平等，待敌与友无偏无倚；你恒以达摩而治，遵循正行与法度之次第。

Verse 86

यस्य रुष्यसि वै राम मृत्युस्तस्याभिधीयते । गीयसे तेन वै राजन्यम इत्यभिविश्रुतः

噢罗摩，凡惹你震怒者，皆被说必遭死亡；因此，噢大王，人们歌咏你、广为传颂，称你为“阎摩”（死亡之主）。

Verse 87

यश्चासौ मानुषो भावो भवतो नृपसत्तम । आनृशंस्यपरो राजा सर्वेषु कृपयान्वितः

而你那真正合乎人性的品格，噢诸王之最——作为君主，崇尚不残忍，并以慈悲遍及一切众生——

Verse 88

दुर्बलस्य त्वनाथस्य राजा भवति वै बलम् । अचक्षुषो भवेच्चक्षुरमतेषु मतिर्भवेत्

因为对软弱无依者，国王确实成为他们的力量；对无目者，他成为眼；对无谋者，他成为智慧与判断。

Verse 89

अस्माकमपि नाथस्त्वं श्रूयतां मम धार्मिक । भवता तत्र मंतव्यं यथैते किल पक्षिणः

你也确是我们的护佑者。请垂听，噢正法之人：你当思量此事，正如这些鸟儿确已（或正在）如此行事。

Verse 90

योस्मन्नाथः स पक्षींद्रो भवतो विनियोज्यकः । अस्वाम्यं देव नास्माकं सन्निधौ भवतः प्रभो

那位护佑我们的鸟中王，实由你所任命。噢天神，在你亲临之前，噢主宰，我们不可能无主无依。

Verse 91

भवतैव कृतं पूर्वं भूतग्रामं चतुर्विधम् । ममालयप्रविष्टस्तु गृध्रो मां बाधते नृप

昔日确是你创造了四类众生。然而如今有一只秃鹫闯入我宅，扰乱于我，噢，大王。

Verse 92

भवान्देवमनुष्येषु शास्ता वै नरपुंगव । एतच्छ्रुत्वा तु वै रामः सचिवानाह्वयत्स्वयम्

“噢，人中雄者，在诸天与人间之中，你确是统治者与立法者。”听闻此言，罗摩亲自召唤群臣。

Verse 93

विष्टिर्जयंतो विजयः सिद्धार्थो राष्ट्रवर्धनः । अशोको धर्मपालश्च सुमंत्रश्च महाबलः

毗什提、阇延多、毗阇耶、悉达多、罗湿吒罗伐尔陀那、阿输迦、达摩波罗、苏曼特罗与摩诃婆罗——此诸名号如是列举。

Verse 94

एते रामस्य सचिवा राज्ञो दशरथस्य च । नीतियुक्ता महात्मानः सर्वशास्त्रविशारदाः

此等乃罗摩之大臣，亦为檀沙罗陀王之辅佐：心怀广大，通达治国之道，精通一切圣典（śāstra）。

Verse 95

सुशांताश्च कुलीनाश्च नये मंत्रे च कोविदाः । तानाहूय स धर्मात्मा पुष्पकादवरुह्य च

他们安和而出身高贵，善于谋略与谏议。那位心怀正法者召集众人，并自普什帕迦飞车降下，遂向他们开言。

Verse 96

गृध्रोलूकौ विवदंतौ पृच्छति स्म रघूत्तमः । कति वर्षाणि भो गृध्र तवेदं निलयं कृतं

罗摩（Raghūttama）见秃鹫与猫头鹰争辩，便问道：“秃鹫啊，你在此处安居为巢，已有多少年了？”

Verse 97

एतन्मे कौतुकं ब्रूहि यदि जानासि तत्त्वतः । एतच्छ्रुत्वा वचो गृध्रो बभाषे राघवं स्थितं

“若你确知其真义，请为我解此疑趣。”听到这番话，秃鹫便对站在那里的罗伽婆（Rāghava）开口说道。

Verse 98

इयं वसुमती राम मानुषैर्बहुबाहुभिः । उच्छ्रितैराचिता सर्वा तदाप्रभृति मद्गृहं

“罗摩啊，此大地已尽被人类充满——多臂而身形高峻；自那时起，这里便成了我的居所。”

Verse 99

उलूकस्त्वब्रवीद्रामं पादपैरुपशोभिता । यदैव पृथिवी राजंस्तदाप्रभृति मे गृहं

随后，乌卢迦（Ulūka）对罗摩说道：“大王啊，自从大地以树木为庄严之饰起，从那时起这里就是我的家。”

Verse 100

एतच्छ्रुत्वा तु रामो वै सभासद उवाचह । न सा सभा यत्र न संति वृद्धा वृद्धा न ते ये न वदंति धर्मं

罗摩听罢，便对会众说道：“没有长者的地方，不成其为会；不宣说达摩者，也不配称为长者。”

Verse 101

नासौ धर्मो यत्र न चास्ति सत्यं न तत्सत्यं यच्छलमभ्युपैति । ये तु सभ्याः सभां गत्वा तूष्णीं ध्यायंत आसते

真理不存之处，非为法（dharma）；依附欺诳者，亦非为真。然诸受敬之长老入于会中，默然而坐，唯自沉思——

Verse 102

यथाप्राप्तं न ब्रुवते सर्वे तेऽनृतवादिनः । न वक्ति च श्रुतं यश्च कामात्क्रोधात्तथा भयात्

凡不如实而言者，皆成妄语之人；又有不陈所闻者——或因欲、或因嗔、或因惧——亦同堕于虚妄之言。

Verse 103

सहस्रं वारुणाः पाशाः प्रतिमुंचंति तं नरं । तेषां संवत्सरे पूर्णे पाश एकः प्रमुच्यते

彼人身上系缚着一千道伐楼那（Varuṇa）之绳索（pāśa）；待满一整年，方解其中一索。

Verse 104

तस्मात्सत्यं तु वक्तव्यं जानता सत्यमंजसा । एतच्छ्रुत्वा तु सचिवा राममेवाब्रुवंस्तदा

是故知者当直言真实，明白而不曲。闻此之言，诸大臣遂只向罗摩（Rāma）进言。

Verse 105

उलूकः शोभते राजन्न तु गृध्रो महामते । त्वं प्रमाणं महाराज राजा हि परमा गतिः

大王啊，鸮尚可称宜，然秃鹫则不然，智者啊。大王即为准绳；因为君王实乃至上的归依。

Verse 106

राजमूलाः प्रजाः सर्वा राजा धर्मः सनातनः । शास्ता राजा नृणां येषां न ते गच्छंति दुर्गतिम्

一切臣民皆以国王为根；国王是永恒法（Dharma）的化身。凡以真正严明的统治者为主的人，不会堕入不幸或恶趣。

Verse 107

वैवस्वतेन मुक्ताश्च भवंति पुरुषोत्तमाः । सचिवानां वचः श्रुत्वा रामो वचनमब्रवीत्

“蒙毗婆斯瓦塔（阎摩）解脱，他们便成了高贵之人。罗摩听罢诸大臣之言，遂开口说道。”

Verse 108

श्रूयतामभिधास्यामि पुराणं यदुदाहृतं । द्यौः सचंद्रार्कनक्षत्रा सपर्वतमहीद्रुमम्

请听——我今将宣说那已被传诵的《普罗那》：其中描绘诸天，连同月、日与群星；亦描绘大地，连同群山与林木。

Verse 109

सलिलार्णवसंमग्नं त्रैलोक्यं सचराचरं । एकमेव तदा ह्यासीत्सर्वमेकमिवांबरं

那时三界——连同一切动与不动之物——尽没于水之大海；彼时万有如同唯一，仿佛整个广袤只是一片天空。

Verse 110

पुनर्भूः सह लक्ष्म्या च विष्णोर्जठरमाविशत् । तां निगृह्य महातेजाः प्रविश्य सलिलार्णवं

随后，普那尔布与吉祥天女拉克什米一同进入毗湿奴之腹。那位大光明者摄持住她，遂入于水之大海。

Verse 111

सुष्वाप हि कृतात्मा स बहुवर्षशतान्यपि । विष्णौ सुप्ते ततो ब्रह्मा विवेश जठरं ततः

那位自持者确实沉睡了数百年。及至毗湿奴入于睡眠，梵天随后进入祂的腹中。

Verse 112

बहुस्रोतं च तं ज्ञात्वा महायोगी समाविशत् । नाभ्यां विष्णोः समुद्भूतं पद्मं हेमविभूषितं

他知那是多流多道的广大境域，便以大瑜伽行者之身进入其中——那朵由毗湿奴脐中生起、金饰庄严的莲华。

Verse 113

स तु निर्गम्य वै ब्रह्मा योगी भूत्वा महाप्रभुः । सिसृक्षुः पृथिवीं वायुं पर्वतांश्च महीरुहान्

于是梵天出离而现，成为瑜伽行者、伟大的主宰；欲行创造，便生出大地、风、群山与参天大树。

Verse 114

तदंतराः प्रजाः सर्वा मानुषांश्च सरीसृपान् । जरायुजाण्डजान्सर्वान्ससर्ज स महातपाः

其后间隙之中，那位大苦行者创造了一切众生——人类与爬行之类，以及一切胎生与卵生的生命。

Verse 115

तस्य गात्रसमुत्पन्नः कैटभो मधुना सह । दानवौ तौ महावीर्यौ घोरौ लब्धवरौ तदा

自他身中生出凯塔婆与摩度同起；那两位达那婆魔类具大威力，甚为可怖，并于彼时已得赐福与恩愿。

Verse 116

दृष्ट्वा प्रजापतिं तत्र क्रोधाविष्टावुभौ नृप । वेगेन महता भोक्तुं स्वयंभुवमधावतां

见到那里的生主（Prajāpati），大王啊，他们二者被忿怒所摄，以极大疾速奔去，欲吞噬自生者（梵天）。

Verse 117

दृष्ट्वा सत्वानि सर्वाणि निस्सरन्ति पृथक्पृथक् । ब्रह्मणा संस्तुतो विष्णुर्हत्वा तौ मधुकैटभौ

见一切众生纷纷出生而各自散开，受梵天赞颂的毗湿奴诛灭了那二魔——摩度与凯塔婆。

Verse 118

पृथिवीं वर्धयामास स्थित्यर्थं मेदसा तयोः । मेदोगंधा तु धरणी मेदिनीत्यभिधां गता

为使大地安住，他以那二者之脂膏扩增了地界。因此大地带着脂香，得名为“梅迪尼（Medinī）”。

Verse 119

तस्माद्गृध्रस्त्वसत्यो वै पापकर्मापरालयम् । स्वीयं करोति पापात्मा दण्डनीयो न संशयः

因此此鹫实为诡诈之徒：作诸罪业，不施庇护。那罪恶之心竟将他人之物据为己有；必当受罚，毫无疑问。

Verse 120

ततोऽशरीरिणीवाणी अंतरिक्षात्प्रभाषते । मा वधी राम गृध्रं त्वं पूर्वंदग्धं तपोबलात्

随后，虚空中传来无形之声：“罗摩啊，莫杀此鹫；它早已因苦行之力而被灼烧过。”

Verse 121

पुरा गौतम दग्धोऽयं प्रजानाथो जनेश्वर । ब्रह्मदत्तस्तु नामैष शूरः सत्यव्रतः शुचिः

往昔，噢人中之主，此众生之王曾被乔达摩焚灼（以诅咒所烧）。其名婆罗摩达多，勇武无畏，守持真实，清净无染。

Verse 122

गृहमागत्य विप्रर्षेर्भोजनं प्रत्ययाचत । साग्रं वर्षशतं चैव भुक्तवान्नृपसत्तम

归家之后，他向那婆罗门圣仙求取食物；而那最上之王，整整一百年（且更久）不断进食。

Verse 123

ब्रह्मदत्तस्य वै तस्य पाद्यमर्घ्यं स्वयं ततः । आत्मनैवाकरोत्सम्यग्भोजनार्थं महाद्युते

随后，噢大放光明者，他亲自如法为那婆罗摩达多奉上洗足之水与阿尔吉亚供献，以备进食之礼。

Verse 124

समाविश्य गृहं तस्य आहारे तु महात्मनः । नारीं पूर्णस्तनीं दृष्ट्वा हस्तेनाथ परामृशत्

他在那大德用餐之时进入其家，见一女子乳房丰盈，便以手触之。

Verse 125

अथ क्रुद्धेन मुनिना शापो दत्तः सुदारुणः । गृध्रत्वं गच्छ वै मूढ राजा मुनिमथाब्रवीत्

于是那牟尼震怒，降下极其可怖的诅咒：“去吧，愚者，化为秃鹫！”王便如此对圣者说道。

Verse 126

कृपां कुरु महाभाग शापोद्धारो भविष्यति । दयालुस्तद्वचः श्रुत्वा पुनराह नराधिप

“请施慈悲，尊贵的贤者；诅咒必将解除。”慈悲的国王听闻此言，便又开口说道。

Verse 127

उत्पत्स्यते रघुकुले रामो नाम महायशाः । इक्ष्वाकूणां महाभागो राजा राजीवलोचनः

在罗伽族裔中将诞生一位名为罗摩的盛名之王——伊叉婆拘王族的光耀后裔，莲华眼的君主。

Verse 128

तेन दृष्टो विपापस्त्वं भविता नरपुंगव । दृष्टो रामेण तच्छ्रुत्वा बभूव पृथिवीपतिः

噢，人中之杰，一旦被他目睹，你便将离罪得净。听闻罗摩已见到（他/你），国王心安神定。

Verse 129

गृध्रत्वं त्यज्य वै शीघ्रं दिव्यगंधानुलेपनः । पुरुषो दिव्यरूपोऽसौ बभाषे तं नराधिपं

他迅速舍弃鹫身，涂抹天香妙膏；那位形貌光耀、宛如天人的男子，对人中王者开口说道。

Verse 130

साधु राघव धर्मज्ञ त्वत्प्रसादादहं विभो । विमुक्तो नरकाद्घोरादपापस्तु त्वया कृतः

善哉，罗伽婆，通达法义者！凭你的恩德，主啊，我已从可怖的地狱中解脱；确实，是你使我离罪清净。

Verse 131

विसर्जितं मया गार्ध्यं नररूपी महीपतिः । उलूकं प्राह धर्मज्ञ स्वगृहं विश कौशिक

被我放行后，那位化作人形的大地之王对乌卢迦说道。通晓达摩者言：“考希迦啊，入你自家之舍。”

Verse 132

अहं संध्यामुपासित्वा गमिष्ये यत्र वै मुनिः । अथोदकमुपस्पृश्य संध्यामन्वास्य पश्चिमां

我先奉修三昧耶（Sandhyā）礼敬，便将前往那位牟尼所在之处。随后以水触净并依仪啜饮，面向西方圆满完成黄昏Sandhyā……

Verse 133

आश्रमं प्राविशद्रामः कुंभयोनेर्महात्मनः । तस्यागस्त्यो बहुगुणं फलमूलं च सादरं

罗摩进入了大魂阿迦斯底耶（Agastya）之精舍——那位“壶生者”。在那里，阿迦斯底耶恭敬奉上许多上妙果实与可食之根。

Verse 134

रसवंति च शाकानि भोजनार्थमुपाहरत् । सभुक्तवान्नरव्याघ्रस्तदन्नममृतोपमम्

又备来甘美蔬菜以供餐食；而人中之虎享用那食物，宛如甘露（amṛta）一般。

Verse 135

प्रीतश्च परितुष्टश्च तां रात्रिं समुपावसत् । प्रभाते काल्यमुत्थाय कृत्वाह्निकमरिंदम

他心怀欢喜、满足无余，于彼夜安住于清净持戒。至黎明，降伏诸敌者早起，修行其晨间仪轨。

Verse 136

ॠषिं समभिचक्राम गमनाय रघूत्तमः । अभिवाद्याब्रवीद्रामो महर्षिं कुंभसंभवम्

为启程之故，罗古至上者罗摩走近圣仙；礼敬之后，罗摩对那位“瓶中所生”的大圣者阿迦斯提亚开口说道。

Verse 137

आपृच्छे साधये ब्रह्मन्ननुज्ञातुं त्वमर्हसि । धन्योस्म्यनुगृहीतोस्मि दर्शनेन महामुने

我今告辞，圣者啊。婆罗门尊者，请赐我许可（得以离去）。我实为有福；得见尊颜，蒙大牟尼垂恩。

Verse 138

दिष्ट्या चाहं भविष्यामि पावनात्मा महात्मनः । एवं ब्रुवति काकुत्स्थे वाक्यमद्भुतदर्शनं

“承天之幸，我亦将因那位大灵而得心性清净。”当迦库特斯陀如此言说时，一句具奇妙观照的言辞随之生起。

Verse 139

उवाच परमप्रीतो बाष्पनेत्रस्तपोधनः । अत्यद्भुतमिदं वाक्यं तव राम शुभाक्षरं

苦行圣者欣喜至极，泪盈其目而说道：“罗摩啊，你这由吉祥音节所成之语，实在奇妙无比。”

Verse 140

पावनं सर्वभूतानां त्वयोक्तं रघुनंदन । मुहूर्तमपि राम त्वां मैत्रेणेक्षंति ये नराः

罗伽之喜者（罗摩）啊，你所说之言能净化一切众生。罗摩啊，即便有人仅以友善之目注视你片刻，也得清净。

Verse 141

पावितास्सर्वसूक्तैस्ते कथ्यंते त्रिदिवौकसः । ये च त्वां घोरचक्षुर्भिरीक्षंते प्राणिनो भुवि

据说天界的住民因一切神圣诵言而得净化；而大地上以可怖之目凝视你者，也同样被如此称述。

Verse 142

ते हता ब्रह्मदंडेन सद्यो नरकगामिनः । ईदृशस्त्वं रघुश्रेष्ठ पावनः सर्वदेहिनां

他们被梵天之杖击倒，立刻注定堕入地狱；而你，罗睺族中最胜者啊，却是净化一切有身众生的圣者。

Verse 143

कथयंतश्च लोकास्त्वां सिद्धिमेष्यंति राघव । गच्छस्वानातुरोऽविघ्नं पंथानमकुतोभयः

罗伽婆啊，称述你的人必得成就。你当安然前行，无忧无碍，于此道路上无所畏惧。

Verse 144

प्रशाधि राज्यं धर्मेण गतिस्तु जगतां भवान् । एवमुक्तस्तु मुनिना प्राञ्जलि प्रग्रहो नृपः

“当以正法治理国土；你乃诸世界所循之道。”圣者如是告诫，国王合掌恭敬，领受其教。

Verse 145

अभिवादयितुं चक्रे सोऽगस्त्यमृषिसत्तमम् । अभिवाद्य मुनिश्रेष्ठंस्तांश्च सर्वांस्तपोधिकान्

随后他向阿迦斯底耶——诸圣中最胜者——致以恭敬礼拜；既已礼敬那位最上牟尼，也同样顶礼一切以苦行为资粮的修行者。

Verse 146

अथारोहत्तदाव्यग्रः पुष्पकं हेमभूषितम् । तं प्रयांतं मुनिगणा आशीर्वादैस्समंततः

于是他匆匆登上金饰的普什帕迦天车；当他启程离去时，四方众圣仙齐来，以祝福加持于他。

Verse 147

अपूपुजन्नरेंद्रं तं सहस्राक्षमिवामराः । ततोऽर्धदिवसे प्राप्ते रामः सर्वार्थकोविदः

诸天神明礼敬那位国王，如同礼敬千眼者（因陀罗）。随后半日已过，罗摩——通达一切事务者——便（开口/行事）。

Verse 148

अयोध्यां प्राप्य काकुत्स्थः पद्भ्यां कक्षामवातरत् । ततो विसृज्य रुचिरं पुष्पकं कामवाहितं

抵达阿踰陀后，迦库特斯塔下车步入宫中内苑；随后遣退那华美的普什帕迦——随心而行的天车——任其离去。

Verse 149

कक्षांतराद्विनिष्क्रम्य द्वास्थान्राजाऽब्रवीदिदं । लक्ष्मणं भरतं चैव गच्छध्वं लघुविक्रमाः

国王自内室走出，对守门人说道：“你们速去，把罗什曼那与婆罗多带到这里来，行动要快。”

Verse 150

ममागमनमाख्याय समानयत मा चिरम् । श्रुत्वाथ भाषितं द्वास्था रामस्याक्लिष्टकर्मणः

“告知我已归来，并把他带来，不可迟延。”二侍从听闻罗摩之言——其行事不倦不扰——便即刻奉命而行。

Verse 151

गत्वा कुमारावाहूय राघवाय न्यवदेयन् । द्वास्थैः कुमारावानीतौ राघवस्य निदेशतः

他们前往召来两位王子，将其呈至罗伽婆之前。奉罗伽婆之命，守门者引领两位王子入内。

Verse 152

दृष्ट्वा तु राघवः प्राप्तौ प्रियौ भरतलक्ष्मणौ । समालिंग्य तु रामस्तौ वाक्यं चेदमुवाच ह

罗伽婆见心爱的婆罗多与罗叉摩那来到，便将二人拥入怀中，继而说道如下之言。

Verse 153

कृतं मया यथातथ्यं द्विजकार्यमनुत्तमं । धर्महेतुमतो भूयः कर्तुमिच्छामि राघवौ

我已依真实所能，完成了对婆罗门应尽的无上之责。然而，噢罗伽婆诸君，为了达摩之缘，我仍愿再行更多善业。

Verse 154

भवद्भ्यामात्मभूताभ्यां राजसूयं क्रतूत्तमं । सहितो यष्टुमिच्छामि यत्र धर्मश्च शाश्वतः

与你们二人——如同我自身——同在，我愿举行罗阇苏耶这一最胜祭祀，于其中永恒之达摩得以安立。

Verse 155

पुष्करस्थेन वै पूर्वं ब्रह्मणा लोककारिणा । शतत्रयेण यज्ञानामिष्टं षष्ट्याधिकेन च

往昔，居于补湿迦罗的梵天——诸世之造作者——曾行诸祭：其数三百，又复加六十。

Verse 156

इष्ट्वा हि राजसूयेन सोमो धर्मेण धर्मवित् । प्राप्तः सर्वेषु लोकेषु कीर्तिस्थानमनुत्तमम्

因为他依正法如仪奉行罗阇苏耶祭，苏摩——通达义法者——在一切世界中获得了无与伦比的名声之位。

Verse 157

इष्ट्वा हि राजसूयेन मित्रः शत्रुनिबर्हणः । मुहूर्तेन सुशुद्धेन वरुणत्वमुपागतः

确已奉行罗阇苏耶祭的密特罗——摧灭仇敌者——凭借吉祥而极其清净的牟呼尔多（仪式时刻），得至伐楼那之位。

Verse 158

तस्माद्भवंतौ संचिंत्य कार्येस्मिन्वदतं हि तत् । भरत उवाच । त्वं धर्मः परमः साधो त्वयि सर्वा वसुंधरा

因此，你们二位当思量此事，然后说出应当如何行。婆罗多说道：“圣者啊，你是至上的法；整个大地都安住于你。”

Verse 159

प्रतिष्ठिता महाबाहो यशश्चामितविक्रम । महीपालाश्च सर्वे त्वां प्रजापतिमिवामराः

大臂勇者啊，你的名声已牢然建立；无量威力者啊，诸王皆如诸天一般，将你视作他们的生主（Prajāpati）。

Verse 160

निरीक्षंते महात्मानो लोकनाथ तथा वयं । प्रजाश्च पितृवद्राजन्पश्यंति त्वां महामते

世间之主啊，诸大心者仰望于你，我们亦复如是。百姓啊，王者，视你如父；大智者啊。

Verse 161

पृथिव्यां गतिभूतोसि प्राणिनामिह राघव । सत्वमेवंविधं यज्ञं नाहर्त्तासि परंतप

罗伽婆啊，在大地上你已成为众生的归依与行路之所。因此，焚敌者啊，切莫阻挠如此神圣的祭祀（yajña）。

Verse 162

पृथिव्यां सर्वभूतानां विनाशो दृश्यते यतः । श्रूयते राजशार्दूल सोमस्य मनुजेश्वर

既然在世间确见一切众生的毁灭，王中之虎、人类之主啊，便流传着关于苏摩（Soma）的传闻与记述。

Verse 163

ज्योतिषां सुमहद्युद्धं संग्रामे तारकामये । तारा बृहस्पतेर्भार्या हृता सोमेनकामतः

在群星闪耀的战场上，诸天光曜之间爆发了极其宏大的战争；因为塔拉（Tārā）——布里哈斯帕提（Bṛhaspati）之妻——被苏摩因欲望而掳走。

Verse 164

तत्र युद्धं महद्वृत्तं देवदानवनाशनम् । वरुणस्य क्रतौ घोरे संग्रामे मत्स्यकच्छपाः

在那里发生了一场大战，令天神与阿修罗同遭毁灭。在伐楼那（Varuṇa）可怖的祭仪之中，于那凶猛的战斗里，鱼与龟等水族也被卷入战争。

Verse 165

निवृत्ते राजशार्दूल सर्वे नष्टा जलेचराः । हरिश्चंद्रस्य यज्ञांते राजसूयस्य राघव

当一切结束之时，王中之虎啊，所有水中生类尽皆消失。在哈利施旃陀罗王的罗阇苏耶（Rājasūya）祭祀终了之际，罗伽婆啊——

Verse 166

आडीबकंमहद्युद्धं सर्वलोकविनाशनम् । पृथिव्यां यानि सत्वानि तिर्यग्योनिगतानि वै

名为阿底婆迦（Āḍībaka）的大决战，能毁灭一切世界——其中，凡在大地上投生于畜生胎（非人之身）的众生……

Verse 167

दिव्यानां पार्थिवानां च राजसूये क्षयः श्रुतः । स त्वं पुरुषशार्दूल बुद्ध्या संचिंत्य पार्थिव

听闻即便对天界诸神与人间诸王，在罗阇苏耶（Rājasūya）大祭中亦可能招致败亡。故汝——人中之虎——当以明辨之智深思此事，王啊。

Verse 168

प्राणिनां च हितं सौम्यं पूर्णधर्मं समाचर । भरतस्य वचः श्रुत्वा राघवः प्राह सादरम्

“温和者啊，当奉行圆满之法（dharma），以利益一切众生。”听罢婆罗多（Bharata）之言，罗伽婆（Rāghava）恭敬作答。

Verse 169

प्रीतोस्मि तव धर्मज्ञ वाक्येनानेन शत्रुहन् । निवर्तिता राजसूयान्मतिर्मे धर्मवत्सल

知法者啊，诛敌者啊——你这番言语令我欢喜。爱法之人啊，我欲行罗阇苏耶（Rājasūya）之意，已被你劝止而收回。

Verse 170

पूर्णं धर्मं करिष्यामि कान्यकुब्जे च वामनम् । स्थापयिष्याम्यहं वीर सा मे ख्यातिर्दिवं गता

“我将圆满履行我的法（dharma），并在迦尼耶拘阇（Kānyakubja）安立侏儒化身婆摩那（Vāmana）之圣像。勇士啊，我的名声已上达诸天。”

Verse 171

भविष्यति न संदेहो यथा गंगा भगीरथात्

毫无疑虑：此事必将成就，正如圣河恒伽因婆耆罗他而降临世间。