Mantra 34
होता॑ यक्ष॒त्स्वाहा॑कृतीर॒ग्निं गृ॒हप॑तिं॒ पृथ॒ग्वरु॑णं भेष॒जं क॒विं क्ष॒त्रमिन्द्रं॑ वयो॒धस॑म् । अति॑च्छन्दसं॒ छन्द॑ इन्द्रि॒यं बृ॒हदृ॑ष॒भं गां वयो॒ दध॒द्व्यन्त्वाज्य॑स्य॒ होत॒र्यज॑
hótā yákṣat-svā́hākṛtīr agníṃ gṛhápatiṃ pṛthág váruṇaṃ bheṣajáṃ kavíṃ kṣatrám índraṃ vayódhasam | átichandasaṃ chánda indríyaṃ bṛhádṛṣabhaṃ gā́ṃ váyo dádhad vyántv ā́jyasya hótar yája
होता यक्षत् स्वाहाकृतीर् अग्निं गृहपतिं; पृथग् वरुणं भेषजं कविम्; इन्द्रं च क्षत्रं वयोधसम्। अतिच्छन्दसं छन्दः; इन्द्रियं बृहदृषभः। वयो दधद् गा व्यन्तु।—हे होतः, आज्यस्य यज।
होता । यक्षत् । स्वाहा-कृतीः । अग्निम् । गृह-पतिम् । पृथक् । वरुणम् । भेषजम् । कविम् । क्षत्रम् । इन्द्रम् । वयः-धसम् । अति-छन्दसम् । छन्दः । इन्द्रियम् । बृहद्-ऋषभम् । गाम् । वयः । दधत् । व्यन्तु । आज्यस्य । होतः । यज ।