Mantra 17
अ॒ग्निः प॒शुरा॑सी॒त्तेना॑यजन्त॒ स ए॒तँल्लो॒कम॑जय॒द्यस्मि॑न्न॒ग्निः स ते॑ लो॒को भ॑विष्यति॒ तं जे॑ष्यसि॒ पिबै॒ता अ॒पः । वा॒युः प॒शुरा॑सी॒त्तेना॑यजन्त॒ स ए॒तँल्लो॒कम॑जय॒द्यस्मि॑न्वा॒युः स ते॑ लो॒को भ॑विष्यति॒ तं जे॑ष्यसि॒ पिबै॒ता अ॒पः । सूर्य॑: प॒शुरा॑सी॒त्तेना॑यजन्त॒ स ए॒तँल्लो॒कम॑जय॒द्यस्मि॒न्त्सूर्य॒: स ते॑ लो॒को भ॑विष्यति॒ तं जे॑ष्यसि॒ पिबै॒ता अ॒पः
agníḥ paśúr āsīt ténāyajanta sá etáṃ lókām ajayad yásminn agníḥ sá te lóko bhaviṣyati táṃ jéṣyasi píba etā́ ápaḥ | vāyúḥ paśúr āsīt ténāyajanta sá etáṃ lókām ajayad yásmin vāyúḥ sá te lóko bhaviṣyati táṃ jéṣyasi píba etā́ ápaḥ | sū́ryaḥ paśúr āsīt ténāyajanta sá etáṃ lókām ajayad yásmin sū́ryaḥ sá te lóko bhaviṣyati táṃ jéṣyasi píba etā́ ápaḥ ||
Агни некогда был жертвенным животным; им совершали жертву; так он завоевал этот мир, в котором пребывает Агни: тот мир будет твоим; ты его завоюешь — пей эти воды. Ваю некогда был жертвенным животным; им совершали жертву; так он завоевал этот мир, в котором пребывает Ваю: тот мир будет твоим; ты его завоюешь — пей эти воды. Сурья некогда был жертвенным животным; им совершали жертву; так он завоевал этот мир, в котором пребывает Сурья: тот мир будет твоим; ты его завоюешь — пей эти воды.
अग्निः । पशुः । आसीत् । तेन । अयजन्त । सः । एतम् । लोकम् । अजयत् । यस्मिन् । अग्निः । सः । ते । लोकः । भविष्यति । तम् । जेष्यसि । पिब । एताः । आपः । । वायुः । पशुः । आसीत् । तेन । अयजन्त । सः । एतम् । लोकम् । अजयत् । यस्मिन् । वायुः । सः । ते । लोकः । भविष्यति । तम् । जेष्यसि । पिब । एताः । आपः । । सूर्यः । पशुः । आसीत् । तेन । अयजन्त । सः । एतम् । लोकम् । अजयत् । यस्मिन् । सूर्यः । सः । ते । लोकः । भविष्यति । तम् । जेष्यसि । पिब । एताः । आपः ।