Mantra 31
अ॒ग्निरेका॑क्षरेण प्रा॒णमुद॑जय॒त्तमुज्जे॑षम॒श्विनौ॒ द्व्य॒क्षरेण द्वि॒पदो॑ मनु॒ष्यानुद॑जयतां॒ तानुज्जे॑षं॒ विष्णु॒स्त्र्य॒क्षरेण॒ त्रीँल्लो॒कानुद॑जय॒त्तानुज्जे॑षं॒ᳪ सोम॒श्चतु॑रक्षरेण॒ चतु॑ष्पदः प॒शूनुद॑जय॒त्तानुज्जे॑षम्
agnír ékākṣareṇa prāṇám úd ajayat tám ujjéṣam aśvínau dvy-àkṣareṇa dvipádo manuṣyā́n úd ajayatāṃ tā́n ujjéṣaṃ víṣṇus try-àkṣareṇa trī́ṃl lokā́n úd ajayat tā́n ujjéṣaṃ sómaś cátur-akṣareṇa cátuṣpadaḥ paśū́n úd ajayat tā́n ujjéṣam
अग्नि ने एकाक्षर से प्राण को जीत लिया; वह मैं जीतूँ। अश्विनों ने द्व्याक्षर से द्विपद मनुष्यों को जीत लिया; उन्हें मैं जीतूँ। विष्णु ने त्र्याक्षर से तीनों लोकों को जीत लिया; उन्हें मैं जीतूँ। सोम ने चतुरक्षर से चतुष्पद पशुओं को जीत लिया; उन्हें मैं जीतूँ।
अ॒ग्निः । ए॒क-अ॑क्षरेण । प्रा॒णम् । उद॑जयत् । तम् । उ॒ज्जे॑षम् । अ॒श्विनौ॑ । द्वि-अ॒क्षरेण । द्वि॒पदः॑ । मनु॒ष्यान् । उद॑जयताम् । तान् । उ॒ज्जे॑षम् । विष्णुः । त्रि-अ॒क्षरेण । त्रीन् । लो॒कान् । उद॑जयत् । तान् । उ॒ज्जे॑षम् । सोमः । चतु॑र-अ॒क्षरेण । चतु॑ष्पदः । प॒शून् । उद॑जयत् । तान् । उ॒ज्जे॑षम् ।