Mantra 20
काय॒ स्वाहा॒ कस्मै॒ स्वाहा॑ कत॒मस्मै॒ स्वाहा॒ स्वाहा॒ऽऽधिमाधी॑ताय॒ स्वाहा॒ मन॑: प्र॒जाप॑तये॒ स्वाहा॑ चि॒त्तं विज्ञा॑ता॒यादि॑त्यै॒ स्वाहा ऽदि॑त्यै मह्यै॒ स्वाहा ऽदि॑त्यै सुमृडी॒कायै॒ स्वाहा॒ सर॑स्वत्यै॒ स्वाहा॒ सर॑स्वत्यै पाव॒कायै॒ स्वाहा॒ सर॑स्वत्यै बृहत्यै॒ स्वाहा॑ पू॒ष्णे स्वाहा॑ पू॒ष्णे प्र॑प॒थ्या॒य॒ स्वाहा॑ पू॒ष्णे न॒रन्धि॑षाय॒ स्वाहा॒ त्वष्ट्रे॒ स्वाहा॒ त्वष्ट्रे॑ तु॒रीपा॑य॒ स्वाहा॒ त्वष्ट्रे॑ पुरु॒रूपा॑य॒ स्वाहा॒ विष्ण॑वे॒ स्वाहा॒ विष्ण॑वे निभूय॒पाय॒ स्वाहा॒ विष्ण॑वे शिपिवि॒ष्टाय॒ स्वाहा॑
kā́ya svā́hā kásmai svā́hā katamásmai svā́hā svā́hā’dhimādhītā́ya svā́hā mánaḥ prajā́pataye svā́hā cittáṃ vijñātā́yādityái svā́hā ’dityái mahyái svā́hā ’dityái sumṛḍīkā́yai svā́hā sárasvatyai svā́hā sárasvatyai pāvakā́yai svā́hā sárasvatyai bṛhatyái svā́hā pūṣṇé svā́hā pūṣṇé prapathyā́ya svā́hā pūṣṇé nárandhiṣāya svā́hā tváṣṭre svā́hā tváṣṭre turīpā́ya svā́hā tváṣṭre pururūpā́ya svā́hā víṣṇave svā́hā víṣṇave nibhūyapā́ya svā́hā víṣṇave śipiviṣṭā́ya svā́hā
«À qui ? Svāhā. À qui ? Svāhā. Auquel d’entre eux ? Svāhā. Svāhā à celui qui a dûment étudié (le Veda). Svāhā au Manas, à Prajāpati. Svāhā au Citta, au Connaissant, à Āditya. Svāhā à Āditya le Grand ; svāhā à Āditya le Bienveillant. Svāhā à Sarasvatī ; svāhā à Sarasvatī la Purifiante ; svāhā à Sarasvatī la Grande. Svāhā à Pūṣan ; svāhā à Pūṣan, maître des chemins ; svāhā à Pūṣan, dispensateur du passage sûr. Svāhā à Tvaṣṭar ; svāhā à Tvaṣṭar Turīpa ; svāhā à Tvaṣṭar aux multiples formes. Svāhā à Viṣṇu ; svāhā à Viṣṇu Nibhūyapa ; svāhā à Viṣṇu Śipiviṣṭa.»
काय । स्वाहा॑ । कस्मै । स्वाहा॑ । कतमस्मै । स्वाहा॑ । स्वाहा॑ । अधिमाधीताय । स्वाहा॑ । मनः । प्रजापतये । स्वाहा॑ । चित्तम् । विज्ञाताय । आदित्यै । स्वाहा॑ । आदित्यै । मह्यै । स्वाहा॑ । आदित्यै । सुमृडीकायै । स्वाहा॑ । सरस्वत्यै । स्वाहा॑ । सरस्वत्यै । पावकायै । स्वाहा॑ । सरस्वत्यै । बृहत्यै । स्वाहा॑ । पूष्णे । स्वाहा॑ । पूष्णे । प्रपथ्याय । स्वाहा॑ । पूष्णे । नरन्धिषाय । स्वाहा॑ । त्वष्ट्रे । स्वाहा॑ । त्वष्ट्रे । तुरीपाय । स्वाहा॑ । त्वष्ट्रे । पुरुरूपाय । स्वाहा॑ । विष्णवे । स्वाहा॑ । विष्णवे । निभूयपाय । स्वाहा॑ । विष्णवे । शिपिविष्टाय । स्वाहा॑