Mantra 9
Sukta 10.12
श्रुधी नो अग्ने सदने सधस्थे युक्ष्वा रथममृतस्य द्रवित्नुम् । आ नो वह रोदसी देवपुत्रे माकिर्देवानामप भूरिह स्याः ॥
श्रु॒धी नो॑ अग्ने॒ सद॑ने स॒धस्थे॑ यु॒क्ष्वा रथ॑म॒मृत॑स्य द्रवि॒त्नुम् । आ नो॑ वह॒ रोद॑सी दे॒वपु॑त्रे॒ माकि॑र्दे॒वाना॒मप॑ भूरि॒ह स्या॑: ॥
śrudhī́ no agne sádane sádha-sthe yukṣvā́ rátham amṛ́tasya dravitnúm | ā́ no vaha rodasī devá-putre mā́kir devā́nām ápa bhūr ihá syāḥ ||
Hear us, O Agni, in the seat, in the firm foundation; yoke the chariot that carries the riches of immortality. Bring to us the two Worlds, O child of the gods; do not be absent from the gods—be here with us, present and active.
श्रु॒धि । नः॒ । अ॒ग्ने॒ । सद॑ने । स॒धऽस्थे॑ । यु॒क्ष्व । रथ॑म् । अ॒मृत॑स्य । द्र॒वि॒त्नुम् । आ । नः॒ । व॒ह॒ । रोद॑सी॒ इति॑ । दे॒वपु॑त्रे॒ इति॑ दे॒वऽपु॑त्रे । माकिः॑ । दे॒वाना॑म् । अप॑ । भूः॒ । इ॒ह । स्याः॒ ॥श्रुधि । नः । अग्ने । सदने । सधस्थे । युक्ष्व । रथम् । अमृतस्य । द्रवित्नुम् । आ । नः । वह । रोदसी इति । देवपुत्रे इति देवपुत्रे । माकिः । देवानाम् । अप । भूः । इह । स्याः ॥śrudhi | naḥ | agne | sadane | sadha-sthe | yukṣva | ratham | amṛtasya | dravitnum | ā | naḥ | vaha | rodasī iti | devaputreitideva-putre | mākiḥ | devānām | apa | bhūḥ | iha | syāḥ