Shukla Yajur Veda — Adhyaya 11, Mantra 66
आकू॑तिम॒ग्निं प्र॒युज॒ᳪ स्वाहा॑ । मनो॑ मे॒धाम॒ग्निं प्र॒युज॒ᳪ स्वाहा॑ । चि॒त्तं विज्ञा॑तम॒ग्निं प्र॒युज॒ᳪ स्वाहा॑ । वा॒चो विधृ॑तिम॒ग्निं प्र॒युज॒ᳪ स्वाहा॑ । प्र॒जाप॑तये॒ मन॑वे॒ स्वाहा॑ । ऽग्नये॑ वैश्वान॒राय॒ स्वाहा॑ ॥
ākū́tim agníṃ prayújaṃ svā́hā | manó medhā́m agníṃ prayújaṃ svā́hā | cittáṃ vijñā́tam agníṃ prayújaṃ svā́hā | vā́co vidhṛ́tim agníṃ prayújaṃ svā́hā | prajā́pataye mánave svā́hā | ’gnáye vaiśvānaráya svā́hā ||
Der Absicht — Agni, dem Anjocher (Yoker) — svāhā! Dem Geist, der Einsicht — Agni, dem Anjocher — svāhā! Dem Denken, der klaren Erkenntnis — Agni, dem Anjocher — svāhā! Der Stütze der Rede — Agni, dem Anjocher — svāhā! Prajāpati, Manu — svāhā! Agni Vaiśvānara — svāhā!
आकू॑तिम् । अ॒ग्निम् । प्र॒युज॑म् । स्वाहा॑ । मनः॑ । मे॒धाम् । अ॒ग्निम् । प्र॒युज॑म् । स्वाहा॑ । चि॒त्तम् । वि॒ज्ञात॑म् । अ॒ग्निम् । प्र॒युज॑म् । स्वाहा॑ । वा॒चः । वि॒धृ॑तिम् । अ॒ग्निम् । प्र॒युज॑म् । स्वाहा॑ । प्र॒जाप॑तये । मन॑वे । स्वाहा॑ । अ॒ग्नये॑ । वैश्वान॒राय॑ । स्वाहा॑ ।