Mantra 4
सूर्य॑त्वचस स्थ राष्ट्र॒दा रा॒ष्ट्रं मे॑ दत्त॒ स्वाहा॒ । सूर्य॑त्वचस स्थ राष्ट्र॒दा रा॒ष्ट्रम॒मुष्मै॑ दत्त सूर्य॑वर्चस स्थ राष्ट्र॒दा रा॒ष्ट्रं मे॑ दत्त॒ स्वाहा॒ । सूर्य॑वर्चस स्थ राष्ट्र॒दा रा॒ष्ट्रम॒मुष्मै॑ दत्त॒ मान्दा॑ स्थ राष्ट्र॒दा रा॒ष्ट्रं मे॑ दत्त॒ स्वाहा॒ । मान्दा॑ स्थ राष्ट्र॒दा रा॒ष्ट्रम॒मुष्मै॑ दत्त व्रज॒क्षित॑ स्थ राष्ट्र॒दा रा॒ष्ट्रं मे॑ दत्त॒ स्वाहा॑ । व्रज॒क्षित॑ स्थ राष्ट्र॒दा रा॒ष्ट्रम॒मुष्मै॑ दत्त॒ वाशा॑ स्थ राष्ट्र॒दा रा॒ष्ट्रं मे॑ दत्त॒ स्वाहा॒ । वाशा॑ स्थ राष्ट्र॒दा रा॒ष्ट्रम॒मुष्मै॑ दत्त॒ शवि॑ष्ठा स्थ राष्ट्र॒दा रा॒ष्ट्रं मे॑ दत्त॒ स्वाहा॒ । शवि॑ष्ठा स्थ राष्ट्र॒दा रा॒ष्ट्रम॒मुष्मै॑ दत्त॒ शक्व॑री स्थ राष्ट्र॒दा रा॒ष्ट्रं मे॑ दत्त॒ स्वाहा॒ । शक्व॑री स्थ राष्ट्र॒दा रा॒ष्ट्रम॒मुष्मै॑ दत्त जन॒भृत॑ स्थ राष्ट्र॒दा रा॒ष्ट्रं मे॑ दत्त॒ स्वाहा॑ । जन॒भृत॑ स्थ राष्ट्र॒दा रा॒ष्ट्रम॒मुष्मै॑ दत्त विश्व॒भृत॑ स्थ राष्ट्र॒दा रा॒ष्ट्रं मे॑ दत्त॒ स्वाहा॑ । विश्व॒भृत॑ स्थ राष्ट्र॒दा रा॒ष्ट्रम॒मुष्मै॑ द॒त्ताप॑: स्व॒राज॑ स्थ राष्ट्र॒दा रा॒ष्ट्रम॒मुष्मै॑ दत्त । मधु॑मती॒र्मधु॑मतीभिः पृच्यन्तां॒ महि॑ क्ष॒त्रं क्ष॒त्रिया॑य वन्वा॒नांना॑धृष्टाः सीदत स॒हौज॑सो॒ महि॑ क्ष॒त्रं क्ष॒त्रिया॑य॒ दध॑तीः
sū́ryatvacas stha rāṣṭradā rāṣṭráṃ me datta svā́hā | sū́ryatvacas stha rāṣṭradā rāṣṭrám amúṣmai datta | sū́ryavárchas stha rāṣṭradā rāṣṭráṃ me datta svā́hā | sū́ryavárchas stha rāṣṭradā rāṣṭrám amúṣmai datta | mā́ndā stha rāṣṭradā rāṣṭráṃ me datta svā́hā | mā́ndā stha rāṣṭradā rāṣṭrám amúṣmai datta | vrajákṣit stha rāṣṭradā rāṣṭráṃ me datta svā́hā | vrajákṣit stha rāṣṭradā rāṣṭrám amúṣmai datta | vā́śā stha rāṣṭradā rāṣṭráṃ me datta svā́hā | vā́śā stha rāṣṭradā rāṣṭrám amúṣmai datta | śáviṣṭhā stha rāṣṭradā rāṣṭráṃ me datta svā́hā | śáviṣṭhā stha rāṣṭradā rāṣṭrám amúṣmai datta | śákvarī stha rāṣṭradā rāṣṭráṃ me datta svā́hā | śákvarī stha rāṣṭradā rāṣṭrám amúṣmai datta | janabhṛ́t stha rāṣṭradā rāṣṭráṃ me datta svā́hā | janabhṛ́t stha rāṣṭradā rāṣṭrám amúṣmai datta | viśvabhṛ́t stha rāṣṭradā rāṣṭráṃ me datta svā́hā | viśvabhṛ́t stha rāṣṭradā rāṣṭrám amúṣmai datta | ā́paḥ svarā́ja stha rāṣṭradā rāṣṭrám amúṣmai datta | mádhumatīr mádhumatībhiḥ pṛcyantāṃ máhi kṣatráṃ kṣatríyāya vanvānā́nām adhṛ́ṣṭāḥ sīdata sahójaso máhi kṣatráṃ kṣatríyāya dádhatīḥ
Ihr seid sonnenhäutig, Reich‑Spender: gebt mir das Reich — Svāhā! Ihr seid sonnenhäutig, Reich‑Spender: gebt ihm das Reich. Ihr seid sonnenglänzend, Reich‑Spender: gebt mir das Reich — Svāhā! Ihr seid sonnenglänzend, Reich‑Spender: gebt ihm das Reich. Ihr seid belebend (māndā), Reich‑Spender: gebt mir das Reich — Svāhā! Ihr seid belebend, Reich‑Spender: gebt ihm das Reich. Ihr seid Hüter des Pferchs (vraja-kṣit), Reich‑Spender: gebt mir das Reich — Svāhā! Ihr seid Hüter des Pferchs, Reich‑Spender: gebt ihm das Reich. Ihr seid überreich, dröhnend (vāśā), Reich‑Spender: gebt mir das Reich — Svāhā! Ihr seid überreich, dröhnend, Reich‑Spender: gebt ihm das Reich. Ihr seid die Mächtigsten (śaviṣṭhā), Reich‑Spender: gebt mir das Reich — Svāhā! Ihr seid die Mächtigsten, Reich‑Spender: gebt ihm das Reich. Ihr seid stark (śakvarī), Reich‑Spender: gebt mir das Reich — Svāhā! Ihr seid stark, Reich‑Spender: gebt ihm das Reich. Ihr seid Träger des Volkes (jana-bhṛt), Reich‑Spender: gebt mir das Reich — Svāhā! Ihr seid Träger des Volkes, Reich‑Spender: gebt ihm das Reich. Ihr seid Träger des Alls (viśva-bhṛt), Reich‑Spender: gebt mir das Reich — Svāhā! Ihr seid Träger des Alls, Reich‑Spender: gebt ihm das Reich. O Wasser, selbstherrschend (sva-rāj), Reich‑Spender: gebt ihm das Reich. Mögen die Süßen sich mit den Süßen vermischen; die große Herrschaft dem Kṣatriya, den Siegenden: unbezwingbar, setzt euch, voll Kraft, die große Herrschaft für den Kṣatriya tragend.
सूर्य॑-त्वचसः । स्थः । रा॒ष्ट्र॒दाः । रा॒ष्ट्रम् । मे॒ । द॒त्त । स्वाहा॒ । सूर्य॑-त्वचसः । स्थः । रा॒ष्ट्र॒दाः । रा॒ष्ट्रम् । अ॒मुष्मै॑ । द॒त्त । सूर्य॑-वर्चसः । स्थः । रा॒ष्ट्र॒दाः । रा॒ष्ट्रम् । मे॒ । द॒त्त । स्वाहा॒ । सूर्य॑-वर्चसः । स्थः । रा॒ष्ट्र॒दाः । रा॒ष्ट्रम् । अ॒मुष्मै॑ । द॒त्त । मान्दा॑ः । स्थः । रा॒ष्ट्र॒दाः । रा॒ष्ट्रम् । मे॒ । द॒त्त । स्वाहा॒ । मान्दा॑ः । स्थः । रा॒ष्ट्र॒दाः । रा॒ष्ट्रम् । अ॒मुष्मै॑ । द॒त्त । व्रज॒-क्षितः । स्थः । रा॒ष्ट्र॒दाः । रा॒ष्ट्रम् । मे॒ । द॒त्त । स्वाहा॑ । व्रज॒-क्षितः । स्थः । रा॒ष्ट्र॒दाः । रा॒ष्ट्रम् । अ॒मुष्मै॑ । द॒त्त । वाशा॑ः । स्थः । रा॒ष्ट्र॒दाः । रा॒ष्ट्रम् । मे॒ । द॒त्त । स्वाहा॒ । वाशा॑ः । स्थः । रा॒ष्ट्र॒दाः । रा॒ष्ट्रम् । अ॒मुष्मै॑ । द॒त्त । शवि॑ष्ठाः । स्थः । रा॒ष्ट्र॒दाः । रा॒ष्ट्रम् । मे॒ । द॒त्त । स्वाहा॒ । शवि॑ष्ठाः । स्थः । रा॒ष्ट्र॒दाः । रा॒ष्ट्रम् । अ॒मुष्मै॑ । द॒त्त । शक्व॑रीः । स्थः । रा॒ष्ट्र॒दाः । रा॒ष्ट्रम् । मे॒ । द॒त्त । स्वाहा॒ । शक्व॑रीः । स्थः । रा॒ष्ट्र॒दाः । रा॒ष्ट्रम् । अ॒मुष्मै॑ । द॒त्त । जन॒-भृतः । स्थः । रा॒ष्ट्र॒दाः । रा॒ष्ट्रम् । मे॒ । द॒त्त । स्वाहा॑ । जन॒-भृतः । स्थः । रा॒ष्ट्र॒दाः । रा॒ष्ट्रम् । अ॒मुष्मै॑ । द॒त्त । विश्व॒-भृतः । स्थः । रा॒ष्ट्र॒दाः । रा॒ष्ट्रम् । मे॒ । द॒त्त । स्वाहा॑ । विश्व॒-भृतः । स्थः । रा॒ष्ट्र॒दाः । रा॒ष्ट्रम् । अ॒मुष्मै॑ । द॒त्त । अ॒पः । स्व॒राजः । स्थः । रा॒ष्ट्र॒दाः । रा॒ष्ट्रम् । अ॒मुष्मै॑ । द॒त्त । मधु॑मतीः । मधु॑मतीभिः । पृ॒च्य॒न्ताम् । महि॑ । क्ष॒त्रम् । क्ष॒त्रिया॑य । व॒न्वा॒नानाम् । अ॒धृष्टाः । सी॒द॒त । स॒ह-ओज॑सः । महि॑ । क्ष॒त्रम् । क्ष॒त्रिया॑य । दध॑तीः